అమరావతి:
ఉదయగిరి బత్తాయి రైతులకు వెలుగొండ వరప్రసాది అని రాష్ట్ర జలవనరుల శాఖ మంత్రి డాక్టర్ నిమ్మల రామానాయుడు అన్నారు. నెల్లూరు జిల్లా ఉదయగిరి నియోజకవర్గంలో ఘనంగా ప్రారంభమైన ‘పల్లె పండుగ 3.0’ కార్యక్రమంలో జలవనరుల శాఖ మంత్రి నిమ్మల రామానాయుడు మాట్లాడారు. వెలుగొండ ప్రాజెక్ట్ ఫేజ్-1 ద్వారా నల్లమల సాగర్ కు నీటిని తీసుకొచ్చామనీ, దీని ఆధారిత ఈస్టర్న్ మెయిన్ కెనాల్ వల్ల ఉదయగిరి ప్రాంత బత్తాయి తోటలకు మరియు భూగర్భ జల మట్టాల పెరుగుదలకు విశేష ప్రయోజనం చేకూరుతోందని అన్నారు. వర్షాభావ పరిస్థితులతో దిగుబడులు తగ్గిన తమ బత్తాయి తోటలకు వెలుగొండ ప్రాజెక్ట్ నిజమైన కల్పతరువుగా మారిందని రైతులు సంతోషం వ్యక్తం చేస్తున్నారని మంత్రి నిమ్మల హర్షం వ్యక్తం చేశారు.
ముఖ్యమంత్రి నారా చంద్రబాబు నాయుడు నాయకత్వంలో సూపర్ ఎల్ నినో వంటి ప్రతికూల పరిస్థితుల్లో సైతం కృష్ణా జలాలను నల్లమల సాగర్ కు తరలించి, ప్రస్తుతం 7 టీఎంసీల నీటిని నిల్వ చేయగలిగామని మంత్రి నిమ్మల తెలిపారు.

కామెంట్లు లేవు:
కామెంట్ను పోస్ట్ చేయండి